JESU: Jesu tuh Pachia ccapaw thuazah, Pachia mah athua. Adam seinaw keiccuze Hell kya ccaw lang accangpaw nan te kae halan Jesu tuh Pachia ryte bua ccawku thui naw laanpi nynh thua. Laephi ccungccaw ae te Pachia laku umpaw Chinaw a taetu te chinaw kyate a thothui tu thua keiccuze Pachia klan thua khonaw lang tuh myarya zoi langte Jesu nynh oun paccyng pya. Zyngnaw makhae te Pachia klan thua kho a um langte Jesu nynh oun rae pya. Jesu tuh seinaw hoi leipaw ccungccaw mah thuazah, Pachia mah thua. Nan te kae vawram ah thua te, um nawlang cite Jesu tuh umnaw a rae cciamang. Jesu tuh bua yng rung thui ung cih. Azyngpaw ccungccaw rou nynh Vawram athua cih. ...More

Baebu Accathya:tuh ccungccaw kuite zei paw thuaslamah, ccungccaw tuanaw te hawnaw kya-e zei paw thua leite Pachia amaw kya-e bya nynh thua.Pachia nynh Baebu Ccathya zeitu ae kha a hopya ae paw Bya nynh thua. Pachia amaw nynh zeipaw athua keiccuze, Baebu tuh marya ccing zah akyh leipaw um khyh. Baebu ccangpyanaw te Baebu lungkhu umpaw bya miakaw tuh Pachia bya thuazah zyng lang angaekuh paw nynh thua. Baebu tuh aining nynh Pachia klan thua kho nawlang Laanpi nynh thua. Baebu tuh Pachia nynh oun sungsahnaw te oun khum naw konglang oun hopah paw te oun ny sah paw nynh thua. ...More

Kongang: tuh a lungtyngpaw thua zah, sungskunaw ahoipaw Pavaw athua keiccuze, Kongang tuh Chin minphuin hanlan do suinku langpaw Pavaw nynh thua. Kongang tuh ahangnaw mua te ahangnaw thingku kya umpaw thuazah, ccaccangpaw Pavaw ae laeze ahanghuapaw nynh thua. Kongang tuh sungskunaw a hoi paw Pavaw thuazah, amaw lae dihpaw pavaw ae tungvaw mah theihrya naw thinglung hoi khyh. ...More

Rangte paw: tuh Zotung hanlan mawtaw hawte nynh thua. Khua kheih te khua kheih ccia bungthung ze, uccaw phutu nynh thua. Rangte paw nynh aly. Rangtepaw tuh a thaw sae. Rangte paw tuh arang. Khocce ccia ze rangte paw cciku ze, myarya rang te athua kuh. Rangte paw hoi langze ccungccaw thinglung ahang ccungccaw bum alee, ccungccaw thaw amuin sah. Rangte paw tuh Zotung hanlan athane hua te accungkia huapaw Lorangsaw nynh thua. ...More